يوميات العم معروف الساخرة الحلقة الثانية شماعة دولته

يوميات العم معروف الساخرة الحلقة الثانية شماعة دولته

يوميات العم معروف الساخرة

بقلم وريشة: نضال البزم

حلقة كل ثلاثة أيام تتناول حياة المواطن اليومية بطريقة ساخرة

بطلها "العم معروف" وزوجته "مرمر" وجارة المقرب له "أبو النمر"..

الحلقة الثانية

شماعة دولته

ذهب العم معروف إلى السوق بعد زنْ من زوجته "مرمر" لكي يشتري شنطات مدرسية جديدة لأولاده بعد أن كان رافض مبدأ الفكرة مُتحججًا بأنّ أولاده لا يستاهلون كون معدلاتهم الدراسية غير مُرضية.. وفي الطريق التقى بصديق عمره أبو النمر الذي يستفزه دائمًا..

- العم معروف: اسمعي يا مرة ترى أكثر من دينارين ونص ما بدفع حق الشنته وللا بعمل حفلة على غفلة.. فاهمة ترى انا عقلي خُزق؟

- مرمر: يا معروف الله يهديك، ما ظل شنتات بهاظا المبلغ. 

وفجأة ينادي عليه أبو النمر: يا عم معروف.. يا عم معروف وين رايح؟

- معروف: من وين أجاني هسع هاظا أبو النمر؟! روحي يا مرمر امشي قدامي حتى ازحقله.

- بعد أن يصل أبو النمر: هآآآ.. لوين رايح؟

- العم معروف: لوين يعني؟ بدي اشتري شنتات مدرسة، وشوية دفاتر وتجاليد للاولاد.

- أبو النمر: والله الأسعار نااار يا عم معروف! بس دير بالك، مو كل شوي اتنط قدام البيّاعين اتقول: هيك بدو دولته.. ترى هو ما دخله بهاي كمان! لا تعمله شماعة اتعلق عليه كل همومك وكل غلا الأسعار إلي قاعد بصير فاهم.. ترى الظلم حرام!

- العم معروف: لا طبعًا يا هبيلة يا أبو النمر.. أنا عارف إنّو دولته ما إلو دخل، لأنو كان عندي قبل يومين سهران وقلي واعتذرلي عن ارتفاع الأسعار إلي صار غصب عنه.. وقلي كمان إنو وقف التعينات إلي بالدولة عشان يوفر على الخزينة إلي أوضاعها تعبانه..

- أبو النمر يحدث نفسه بصوت خافت: هه قال سهر عنده؟!! بفكرني خروف يسرح فيّ، ليش هو دولته من وين بعرف هيك أشكال؟!!

- يسمعه العم معروف يتمتم فيقول له غاضبًا: شو مالك ولا؟! شو بتقول؟

- أبو النمر مرتبك: ما بقول شي يا عم معروف، بس دولته قبل فترة عين واحد من جماعته بالدولة وبمنصب كبير كمان، كيف بتقول موقف التعينات هاااا؟!

- العم معروف يتلعثم بالكلام: آه.. مين.. صحيح.. هو قلي إنو بدو يعين نسيبه عشان لما يترك رئاسة الحكومة ويبطل رئيس وزرا يلاقي واسطة إلو لما يحتاجها، لأنو مثل ما بتعرف يا أبو النمر الكرسي ما بدوم لحدى، ولو دام لغيره ما وصلّوو..

- أبو النمر: طيب قوله خليه يعينك أو يزبطك بانتخابات البلدية بركي صرت انت وسطة إلنا يا عم معروف..

- العم معروف يرفع رأسه ويقول بثقة: اسمع يا أبو النمر بيني وبينك بس لا تجيب سيرة، عرض عليّ وظيفة أكون مساعده بس أنا رفضت.. لأني مو ناقصني بكرة أصير أنا دولته يعني الرئيس، وبعدين الناس اتصير تدعي علي كل ما صار غلا على الطالعة والراجعة.. 

- كانت مرمر قد وصلت لمرحة (القرف) وهي تنتظر زوجها معروف تحت الشمس الحاقة، ولم تعد قادرة أن تتمالك أعصابها فصرخت بنص الشارع على زوجها معروف: ولا معروف الشمس حرقتني وانت نازل كذب على أبو النمر!! من متى بتعرف دولته وبيجي بزورنا؟! خلصنا بكفي تشبيح وعرط!!

المصدر اصلاح جو