المرجو الانتظار قليلا سوف يتم التوجيه الى المدونة الجديدة وشكرا المرجو الانتظار قليلا سوف يتم التوجيه الى المدونة الجديدة وشكرا

إنظم لصفحتنا على الفيس بوك

المرجوا إنتظار 30 ثانية تجاوز

الاثنين، 10 مارس 2014

هادا الحكي مو في امريكا ولا في اي بلد اخر هدا الكلام في رام الله

البنات الفلسطينيات اليوم وزمان

افتراضي البنات الفلسطينيات اليوم وزمان


**********************
اليوم ..
يدوب على الظهر تقوم من النوم وفي غرفتها على الحيطة معلق دبدوب ودبدوب على السرير ودبدوب تحت السرير ودبدوب على المكتب ..
واذا قامت وشافت صرصور ممكن يغمى عليها ..وتصاب بانهيار عصبي ..
-----------
زمان
ماكان البنت عندها سرير ولا غرفة وسمعت انه في ناس عندهم دباديب بس مش عارفة وين عايشين..
.بتنام في البرندة وبتتغطى بالحاصل وبتقوم من الفجر تدبح جوزين الزغاليل و تنتف ابو ريشهم ....
وعلى الظهر بيكون القدر بيغلي وخمس دقايق والسفرة جاهزة ..:
**********************




اليوم
اول ما تحكي بتقلك
هااااااااي
ونص حكياتها
هلأ ...وهون ...وهونيك
ويئبرني...
وطبعا الكلام كله ئال وئولنا
يعني ناس برستيج وهاي كلاس
والتطور مقطع بعضه ..:
ولما تخلص كلام بتقلك ..
باي بااااي او تيك كير ..
واذا حد عاكسها في الشارع
بتسبل عينيها وبتمشي
--------------
زمان
اول ما تحكي معك بتقلك :
ايش بدك؟...
ونص كلامها
بدكاش وبدكوش ومعناش
طبعا طول الكلام بتكون حذر معاها
لأنه ممكن بأي وقت تعصب
وتشخرلك الوضع عادي يعني ..
ولما تخلص كلام بتقلك :
طب ايش اعملك؟
يلا غووور ....
واذا حداستجرئ اصلا انه يعاكسها بالشارع ممكن تضربه كف ترجعه زلمة ....




الاكلات المفضلة
اليوم
سلطة يونانية ..سلطة بطاطس>طبعا بنتطقها بتاتس من الدلع والتطور..
همبرجر بيتزا سكالوب دجاج ..دجاج سوتيه ..
واقص ايدي اذا كانت عارفة شو يعني سكالوب او سوتيه ...
---------------
زمان
فت سلطة ..حماصيص... سماقيه... فقاعية
ملوخية... بامية..
فتة عجر ...




اوقات الفراغ
اليوم
تقراء روايات رومنسية
تقعد على الكمبيوتر تفتح الايميل
تسمع تامر او اليسا
تتفرج على التلفزيون وممكن يمر مشهد حزين وتقعد تصيح ....
---------------
زمان
كانت تقلي بزر بطيخ وتحمصلها شوية لوز وتعمل براد شاي لونه اسود اسود يدوب يعدل راسها
و بتنفش شعراتها وبتروح على العريشة
بتفرش هالحصيرة وبتناديلها وحدة وبتجعصلك ولا اجدعها مختار وبتقعد تطق حنك ..




الاحلام
اليوم
البنت اليوم بتعيش في عالم وردي ..كله ورود بنفسجية و زهرية وعصافير وسماء صافية ...
و هيا بتكون لابسة زي الاميرة فستان ابيض كبييير بتشم في الزهور و يجي من بعيد فارس احلامها راكب حصان ابيض ولبسه كله حديد ومعاه سيف ويخطفها ويروحو على قصر كبير ويتزوجها وتصير ملكة ويعيشوا هناك
طبعا الفيلم الهندي هادا كله مفروض يصير بخانيونس! ..
--------------
زمان
كانت احلامها انها تتجوز واحد مستور ويفضل من العيلة ....
عشان تستقل وتكون اسرة ...
وياسلام لو كان عنده فرن اردني عشان الكعك والخبز وياعيني لو غسالة اوتماتيك كده بيكون روعة خالص ..
**********************




لما تدلع اخوها الصغير
اليوم
بتقله
سوسو ..نونو....
عبووودي..حموودي
ياااااااي شو مهضوم....
--------------
زمان
يخرب بيتك مااحلاك ..
ياخيبتي عليك بتجنن..
ياويلي على الضحكة انا ..




البنت لما تكتب موضوع بتقول في نهايته
اليوم
احترامي... تحياتي
مع كل المحبة والود ..
--------------
زمان
والله هادا الي عندي
عجبكو عجبكو ما عجبكو
بلطو البحر معيي انه انا
اللي كتباااااااه

0 التعليقات:

إرسال تعليق