اريــد اكتب شعر واتغــزل باسمك لان اسمك جميل
بقلم عثمان البهرزي
اريــد اكتب شعر واتغــزل باسمك لان اسمك جميل وجاي من رسمك
اذا مو الك اكتب المن لعد اختــــار صدكنـي الكلب مشتــــاك يكتبلــك
احتــــار القلــم لمن جبت طاريــك يكلي الورق يخجل لو كتب اسمـك
صفن بيدي القلم وصرت اني احاجيه ويكلــي بصراحة شــراح اكتبلـــك
ضحكاتك غزل يا كامل الاوصاف واشفافك عسل والورد من عطرك
وعيوني من تشوفك تبقى تحلم بيك تحجيلك شعــر والرمش يعزفلـــك
مو كافي وصف يل بيك حلو أطباع بس شوصف بعد لو رايد اوصفلك
فداك العمر وحتى الكلب و الروح ولك كلّي فداك .... اتريد احلفلك
( عثمان البهرزي )
تابعونا بكل جديد على صفحتنا على الفيس بوك لايك وشير
0 التعليقات:
إرسال تعليق