شــــــعر عـــراقــــــي ابوذيات وقصائد شعرية ودارميات
بهاي عيوني شفتك لا تنكرين وهذا الوجه ما يخفى عليّمو آني اللي شفتك لا تقولين اميزك لو كنتي بين ميّة
صحيح وياك جايز تغلط العين بس القلب شافك قال هيّه
اقول لك وين شفتك اذا تريدين ..
بمكان ال كنا نقعد بيه سويّه ..
واقول لك حتى كنتي انتي شتلبسين من شفته عليك شصار بيّه
يبه نفس الثوب هذا القبل شهرين جبته بعيد ميلادك هديه
وهاي الساعة بيدك ما تذكرين جبتها بسبب تأخيرك عليّ
المحابس والتراجي وكحلة العين .. نسيتي آنا جايبهن بيديّ
قناني العطر كانت وحدة واثنين وسويتك صدق اجمل بنية
جبت لك كل شي حتى انتي تتحلين بيهن مو إليّ
حصة غيري صاير تعب السنين وبس المشترى صاير عليّ
يا ويلي ليييييش آنا بس المشترى صاير عليّ؟!؟
عين الحياة
0 التعليقات:
إرسال تعليق