‏العروس‏ قصتي طويله شويه وياريت تسمعوني للأخر

‏العروس‏

السلام عليكم وكل عام وانتم بخير

قصتي طويله شويه وياريت تسمعوني للأخر
قصتي بدت من 9شهور لمى تزوجت شخص زواج تقليدي لان شكرهولي الناس وخدعني اللسين اني مواليد87 و هوا 74 .. واكتشفت بعد الزواج ان ولد امه وحتى فلوسه نصهم يصبو عندا بدايه زواجي كان ليا 3شهور اتعاركنا امشيت حرجت لماليا للعلم هوا الي ارفعني اني نوعيتي مانبيش انطلع مشاكلي حطني عند اهلي وغدوه هي وبنتها لمولي دبشي وحدفوهولي في حوش اماليا وبعد ايام وليت لان خفت من كلام الناس ولمى وليت كانت تبي تعفس عليا لان نسكن فوق منها لكن اني قويت روحي ومشاكل اني وياه ومخليتهاش تاخد عليا غلبه لان الحق تبيني شغاله هي تمد رجليها واني نعول على ضيوفها مع العلم ان اوحق صيامي الــ3شهور الاوله ندير في كل شئ ونعاون فيها لكن هي ماتبيش معاونه هي تبي كل شئ في راسي ولو نقوله لراجلي يتعارك معاي ويقولي انتي الي غلط ومتحسسه امي كويسه وحتى لو اخته ادير حاجه ونرد عليها يهزبني اني وفيه يوم كان بيروح بيا لماليا على خاطر رديت على اخته مع اننا من نفس السن ..

اني حاليا مطلقه لكن مازال المحكمه مابعتتليش كلمتي ..

والهم الكبير ان حتى اي مشكله تافهه يقول لي اماليه ويفزعولي كلهم فوق ومايكونوش محضر خير اول كلمه يقولوها طلقها وخليها تمشي لي اماليها .. صح اني لمى نتعصب انرد عليه لان حتى اني نحس .. و في اخر المطاف قبل شهرين امشينه نعالجو على الصغار وطلع هوا يعاني من نسبة تشوه كبيره وضعف حركه و الدكاتره قالو مستحيل تحملو طبيعي لازم من الانبوب .. والله ورغم هدا كله قتله عادي ودرت جمعيات باش نلقط لان هوا مايعرفش يلم القرش .. لكن نهوا اعترض عىل حكم ربي وبدي عصبي اكثر من الاول وخصومه وعراكان وعياطات لمى نكون باهيه يكون باهي معاي لو نزعل حتى بروحي يخاصم ويقولي انتي اعلاش قاعده مع راجل عقيم نوضي نروح بيك لماليك .. حاليا اني في حكم المطلقه و الحق سلمت امري لي ربي لا بيني وبين نفسي مقتنعه ان لا هوا يستاهلني ولا العيله .. ياريت تشاركوني برد وتبردو عليا وتدعولي
اللهم أجرني في مصيبتي واخلفني خير منها