مشاطيب جامعة بير زيت
عزيزي الشب العبيط الاهبل يللي بتحكي انو اول يوم برمضان رح نشوف كائنات غريبة على وجه الارض ... بحب أحكيلك انوالمكياج هو بالاصل حرام تطلع فيه البنت ع باب البيت ... وشهر رمضان من الفروض الخمسة يعني مش لحالو موجود لنبيّن انو احنا مسلمين ومنخاف الله وماشيين ع السنة النبوية وتعاليم القرآن
فّضا شفتو بنت حاطة مكياج برمضان عادي يعني هاد لأنها بتعرف انو رمضان يوم عبادة زيو زي اي يوم ثاني ...(( ما ببرّر للبنت اللي بتحط مكياج))
وملاحظة اخيرة اللي بخلّي البنت تفطر عنجد هو أحمر الشفاه او ما يقابله من اسماء (gloss) لأنو بكونلو طعم ويمكن بسهولة تفطر عليه
شااااااااااااااايفين قضية هالمكياج الطويلة العريضة اللي كل شهر رمضان بتعملو عليها طنة ورنة قبل رمضان بشهر... لسه عند الشباب شغلات اسخم منها بكثير ... بكفّي اللسان الوسخ وبحملو ربنا 60 جميلة لأنهم صايمين
واليوم الدين صار ممارسة اجتماعية لا اكثر ... احنا منصوم ومنصلي ومنلبس هيك وما منلبس هيك مش لأنو الدين بحكيلنا اعملو هيك .. لأنو بمجتمعنا بكّفرو الواحد وبلعنو شرفه اذا افطر وممكن الصايم نفسه يكون صيامه عالفاضي من كثر ما بعجب طول اليوم... وشغلة العيب والحرام وكيف الناس بتطلع علينا وانو نحسب للناس الف حساب خلتنا نحوّل الدين لدين اجتماعي كل واحد بمارس الدين حسب تقاليده واعرافه
كلامي مش للتعميم... ولكنه موجود فعلا هالحكي وبنلاقيه بكثرة عند الناس ويمكن انا واهلي نكون منهم ما رح اطلّع حالي بريئة قدامكم .....
0 التعليقات:
إرسال تعليق