العقيد عمر عفيفي من عمر عفيفي الي مخرج الفظائع وأفلام الخيال
من عمر عفيفي الي مخرج الفظائع وأفلام الخيال الطبي وجدي العربيوحياة أبوك يا يا أستاذ وجدي العربي يا فنان تنوع المناظر شوية عشان الأكشن يعني مثلا حد يدخل يقول مثلا انا أضربت وانا لسه بتوضا ولا كله ضابط المنبه بتاع الضرب في الحرس الجمهوري في رمسيس وكل مكان ع الركعة الثانية
وواحد مثلا يخش ويقول انا كنت لسه برفع الادان لقيت قنبلة جت في بقي كسرتي لي سناني وعورتي اللوز وطعهما مر قوي
وواحد تالث يدخل بأكشن أنه وهوه بيحط الجزمة في الجزامة ولاد الأيه بتوع الشرطة المجرمين ضربوا الجزمة بالخرطوش بس ربنا ستر ومجتش في الجزمة بس صابت الشبشب الزنوبة أبو صباع فقطعت اللسان وأضطر انه يرجع من رمسيس حافي فدخلت في رجلة أزازة
يا عم وجدي شغل خيالك شوية ومتبقاش لقطة واحدة ونغمه واحده كده عاوزين شوية خيال وشوية اكشن وتغير المصابين وتجدد في المكياج وبلاش تعوص الهدوم كركدية وخليك مع الخروب بيقي مع الأضاءة أحسن وبيدي نفس شكل الدم وممكن شوية مكروكروم برضه يبقي احسن
ولو مش عارف ابعت لك مخرج تركي ومكياج وماكيير بس تخلي حسن مالك يحاسبهم لحسن كده الفيلم حيسقط منك والمشاهد مكرره وممله
بالذمة يا راجل حد يدخل واحد مصاب وجي من رمسيس متجبس جاهز وشايلينه برضه انت لازم تحترم عقل الناس شوية عشان نصدقوا وعاوزين متعورين طازه مش من اللي في الثلاجة
وبالمناسبة عندي واد كومبارس من الوراق ده احسن كومبارس بيمثل دور ميت لأن دماغة فيبر جلاس وفيها مكان لخرمين دخول وخروج وساعته ب ٥٠ جنيه ودقنه جاهزه
يا راجل عاوزين اكشن مش كده غير بقي موضوع الراكعة التانية ده اتهرش وبقي سخيف ومكرر والناس المحبوسة جوه الجامع كل مره مش كده ولا أقولك خلي شوية يتزنقوا جوا الجامع وشوية يتزنقوا في الميضة عشان تمشي كويس وتخش ع المشاهد
الله يخرب عقلك يا راجل فتح الجمجمة بقي وأصحي للون
العقيد عمر عفيفي
الثلاثاء ١٦ يوليو ٢٠١٣
0 التعليقات:
إرسال تعليق